Policia kineze ka arrestuar të dyshuarin për sulm me thikë, ku si pasojë humbën jetën gjashtë persona dhe u plagosën 14 tjerë në qytetin Anching në lindje të Kinës, kanë njoftuar autoritetet lokale.
I dyshuari për sulm në një zonë tregtare është 25-vjeçar, i cili kishte pranuar se ka “shfryrë mllefin e tij pas problemeve familjare që i kishte pasur dhe pikërisht ishte pesimizmi që e shtyu të kryej” këtë akt.
Siç raporton AP, nga 14 të plagosurit, një person është në gjendje të rëndë e të tjerët në gjendje stabile, thuhet ndër tjera në kumtesën e policisë kineze.
Mediat kineze kanë publikuar pamjet pas sulmit ku shihet gjak dhe shumë qytetarë të plagosur të shtrirë në tokë.
