Televizioni shtetëror irakian njoftoi sot se forcat e sigurisë të këtij vendi presin të vendosin kontrollin e plotë mbi qytetin e Mosulit, pasi që Shteti Islamik ka vetëm edhe “disa metra të territorit, të cilin e kontrollon”, transmeton Reuters.
“Tash po shohim metrat e fundit të betejës, pas të cilës do të bëhet e ditur fitorja. Në pyetje janë orët”, ka thënë spikerja e televizionit irakian duke cituar korrespodentët, të cilët ndodhen me forcat e sigurisë.