SHBA tërhiqet, Rusia dhe Turqia bëhen bashkë për Sirinë - Bota Sot
SHBA tërhiqet, Rusia dhe Turqia bëhen bashkë për Sirinë

Bota

SHBA tërhiqet, Rusia dhe Turqia bëhen bashkë për Sirinë

Më: 29 dhjetor 2018 Në ora: 23:23
Foto ilustrim

Rusia dhe Turqia ranë dakord të koordinojnë operacionet e tyre tokësore në Siri, pas njoftimit për tërheqjen e trupave amerikane. Lajmin e bëri të ditur ministri i Jashtëm rus, Sergei Lavrov.

“U arrit një marrëveshje se si ushtritë e Moskës dhe Ankarasë do të vazhdojnë të koordinojnë veprimet e tyre në terren për çrrënjosjen e kërcënimit terrorist”, tha Sergei Lavrov.

Krerët e diplomacisë e të mbrojtjes së dy vendeve u takuan në Moskë për të diskutuar lidhur me Sirinë. Pas bisedimeve, ministri i Jashtëm turk, Mevlut Cavusoglu tha për agjencinë e lajmeve, “Anadollu” se Turqia dhe Rusia kanë qëllimin e përbashkët të pastrimit të territorit sirian nga të gjitha organizatat terroriste.

Takimi vjen pas njoftimit për hyrjen e ushtrisë siriane në Manbixh, qytet i kontrolluar nga kurdët.

Ankaraja e konsideron zonën si tepër të rëndësishme në luftën kundër militantëve të PKK. Ajo nuk e sheh me sy të mirë hyrjen e trupave qeveritare siriane në qytet, ndryshe nga Kremlini që e sheh këtë si një hap logjik drejt rivendosjes së sovranitetit sirian.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...