Papa bën thirrje për evakuimin e refugjatëve nga kampet në Libi - Bota Sot
Papa bën thirrje për evakuimin e refugjatëve nga kampet në Libi

Bota

Papa bën thirrje për evakuimin e refugjatëve nga kampet në Libi

Më: 28 prill 2019 Në ora: 14:17
Papa Françesku.

Papa Françesku ka bërë thirrje për evakuimin e refugjatëve, të cilët po mbahen në kampet e ndalimit në Libi, teksa luftimet janë duke u përshkallëzuar.

Duke folur sot pas lutjeve në Vakitan, Papa tha se refugjatët tashmë janë duke u përballur me kushte të vështira në këto kampe. Sipas tij, këto kushte janë përkeqësuar edhe më shumë, për shkak se luftimet po vazhdojnë.

“Bëj apel, që veçanërisht gratë, fëmijët dhe të sëmurët të mund të evakuohen sa më shpejt që të jetë e mundur, përmes korridoreve humanitare”, tha Papa Françesku.

Javën e kaluar, agjencia për refugjatë e Kombeve të Bashkuara, evakuoi 325 refugjatë afrikanë, të cilët gjendeshin në një kamp të ndalimit në jug të Tripolit, pas përshkallëzimit të dhunës.

Të shtunën, sulmet ajrore goditën kryeqytetin libian, Tripoli, teksa forcat besnike të komandantit Khalifa Haftar, që tri javë janë duke kryer ofensivë për të marrë kontrollin e Tripolit, nga forcat e Qeverisë së Libisë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...