Papa kritikon botën për qasjen ndaj emigrantëve dhe refugjatëve - Bota Sot
Papa kritikon botën për qasjen ndaj emigrantëve dhe refugjatëve

Bota

Papa kritikon botën për qasjen ndaj emigrantëve dhe refugjatëve

Më: 29 shtator 2019 Në ora: 15:10
Papa Françesku

Papa Françesku ka kritikuar, atë që e quajti, “kulturë të rehatisë”, e cila sipas Atit të Shenjtë çon në indiferencë përballë problemit të migracionit dhe krizës me refugjatë.

Këto komente Françesku i bëri sot gjatë një meshe të mbajtur për Ditën Botërore të Migrantëve dhe Refugjatëve.

Ai tha se “ne nuk mund të jemi indiferentë ndaj tragjedisë të varfërisë, izolimit, përbuzjes dhe diskriminimit të përjetuar nga ata që nuk i përkasin ‘grupit tonë’”, shkruan rel.

Papa tha se armët që nxisin luftëra shpesh prodhohen dhe shiten në rajone të tjera “që nuk kanë më pas vullnet të pranojnë refugjatët që gjenerohen nga konfliktet e tilla”.

Shumë migrantë dhe refugjatë nga mbarë bota, kanë marrë pjesë në meshën e mbajtur sot në sheshin Shën Pjetri në Vatikan, që u mbyll me zbulimin e një statuje prej bronzi, ku shfaqeshin migrantët në një anije.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...