Bashkimi Evropian po kërkon që Netflix dhe platformat e tjera transmetuese të ndalojnë së shfaquri video me definicion të lartë për të parandaluar prishjen e internetit për shkak të pandemisë koronavirus.
Me kaq shumë vende të izoluara për të luftuar përhapjen e virusit, qindra miliona që punojnë nga shtëpia dhe madje edhe me shumë fëmijë jashtë shkollës, zyrtarët e BE-së janë të shqetësuar për tendosjen që mund të ndodhë në internet.
Komisioneri Evropian Thierry Breton shkroi në tweeter të mërkurën në mbrëmje se kishte folur me CEO të Netflix, Reed Hastings. Breton u bëri thirrje shikuesve dhe kompanive që të mos përdorin HD kur nuk është e nevojshme në mënyrë që të sigurohet qasja në internet për të gjithë.
Një zëdhënës i Netflix i tha CNN Business se Hastings dhe Breton do të flasin përsëri të enjten, dhe tha se ai tashmë po rregullon cilësinë e transmetimit dhe përpiqet të minimizojë përdorimet e panevojshme.
"Komisioneri Breton ka të drejtë të nxjerrë në pah rëndësinë e sigurimit që interneti të vazhdojë të funksionojë pa probleme gjatë kësaj kohe kritike," tha zëdhënësi i Netflix. "Ne kemi qenë të përqendruar në efikasitetin e rrjetit për shumë vite, duke përfshirë ofrimin e shërbimit tonë të hapur të lidhjes falas për kompanitë e telekomunikacionit."
E siҫ duket virusi korona po i shkakton probleme edhe Facebook-ut. Në një telefonatë me gazetarët, Mark Zuckerberg tha se Facebook po përballet me "goditje të mëdha" në përdorim pasi koronavirusi detyron miliona të qëndrojnë në shtëpi.
Ai e përshkroi rritjen e kërkesës si "përtej" pikës vjetore që zakonisht shihet në prag të Vitit të Ri. Thirrjet me zë dhe video në WhatsApp dhe Facebook Messenger, në veçanti, janë më shumë se në nivelet e zakonshme, raportoi CNN, transmetoi Bota Sot.
