LIVE: Snajperistët ukrainas eliminojnë me precizitet ushtarët rusë - Rusia lëshon urdhër-arresti për këtë senator amerikan!

Ministria e Brendshme e Rusisë lëshoi të hënën një urdhër-arresti për senatorin amerikan Lindsey Graham pas komenteve të tij në lidhje me luftën në Ukrainë.

Në një video të redaktuar të takimit të tij të premten me presidentin ukrainas Volodymyr Zelenskyy që u publikua nga zyra e udhëheqësit ukrainas, senatori Graham, një republikan nga Karolina e Jugut, vuri në dukje se "rusët po vdesin" dhe e përshkroi ndihmën ushtarake të Shteteve të Bashkuara për vendin si "më të mirën që kemi shpenzuar ndonjëherë”.

Ndërsa senatori Graham duket se i ka bërë komentet në pjesë të ndryshme të bisedës, video e shkurtër nga zyra presidenciale e Ukrainës i vendos ato pranë njëra-tjetrës, duke shkaktuar zemërim në Rusi.

Zëdhënësi i Kremlinit, Dmitry Peskov komentoi të dielën duke thënë se “është e vështirë të imagjinohet një turp më i madh për vendin sesa të ketë senatorë të tillë”.

Komisioni Hetimor, agjencia më e lartë e hetimit penal në vend, mori vendim për të hapur një hetim kundër senatorit Graham. Ministria e Brendshme më pas lëshoi një urdhër arresti për të, siç shihet dokumentet zyrtare, të pulikuara të hënën.

Senatori Graham është në mesin e më shumë se 200 anëtarëve amerikanë të Kongresit, të cilëve Moska u ndaloi hyrjen në Rusi vitin e kaluar.

Senatori Graham komentoi në Twitter, duke thënë: “lajmi se angazhimi im ndaj Ukrainës ka shkaktuar zemërimin e regjimit të Putinit, më gëzoi në masë jashtëzakonshme”.

“Unë do të vazhdoj të mbështesë lirinë e Ukrainës derisa çdo ushtar rus të dëbohet nga territori ukrainas”, shkroi ai në Twitter. "Unë do të mbaj urdhr-arrestin e lëshuar nga qeveria e korruptuar dhe jo morale e Putinit si një simbol nderi"./VOA

Brigadaa e 79-të e parashutistëve ukrainas kanë treguar pamjet nga tre misione të ndryshme, ku snajperistët ukrainas me precizitet të paparë kanë arritur të neutralizojnë ushtarët rusë në rajonin e Donbasit.

Në video shihen snajperistët ukrainas, që sipas eprorëve të tyre kanë arritur prej më shumë se një milje të godasin me precizitet ushtarët ukrainas.

Lokacionet e sakta të aksioneve ushtarake nuk janë bërë të ditura, por Kievi vazhdimisht thotë se ushtria ruse po pëson humbje të mëdha si në njerëz ashtu dhe në makineri luftarake.

Madje sipas vlerësimeve të agjencive perëndimore të inteligjencës, rusët kanë humbur mbi 200 mijë ushtarë në luftën në Ukrainë.

Ndryshe rusët sot kanë vazhduar sulmin ajror mbi Kievin, ku si pasojë humbën jetën disa civilë e mijëra tjerë u strehuan nëpër metro e strehimore.

Me dështimin gjithnjë e më të dukshëm të Rusisë në luftën në Ukrainë, presidenti i vendit Vladimir Putin, duket se nuk ka më kontrollin e padiskutueshëm si më parë.

Zyrtarët po bëhen më të guximshëm dhe lufta e brendshme është përshkallëzuar. Kjo tregohet edhe nga një përplasje e fundit mes blogerit ushtarak Igor Girkin, dhe kreut të grupit mercenar Wagner, Yevgeny Prigozhin.

Girkin, skifteri rus "spikati" në luftën në rajonin e Donbasit të Ukrainës në 2014 si një nga separatistët kryesorë pro-rusë në Ukrainë dhe u ngrit në pozicionin e "Ministrit të Mbrojtjes" të  vetëshpallurës Republika Popullore e Donetskut, ndërsa Prigozhin njihet për rolin e tij në Bakhmut.

Akuza për grusht shteti

Slobodna Dalmacija shkruan se ky ish-oficer dhe nacionalist i flaktë akuzoi kreun e Grupit Wagner, për planifikimin e një grushti shteti dhe për shkelje të vazhdueshme të ligjeve të censurës ruse kundër denigrimit të komandës ushtarake dhe ushtarake ruse. Ai thotë se do të ketë një "rebelim" nëse Prigozhin "lejohet" të vazhdojë të udhëheqë grupin Wagner.

Ai kujtoi se si Prigozhin urdhëroi mercenarët të tërhiqeshin, pikërisht në momentin më kritik kur ukrainasit po përgatiteshin për të sulmuar. Ai thotë gjithashtu se anëtarët e Wagner-it kurrë nuk u betuan se nuk do të luftojnë kundër Rusisë apo forcave të saj ushtarake. Girkin shton se nëse Rusia humbet kundërsulmin e ardhshëm, situata politike në vend mund të jetë shumë e tensionuar deri në fund të verës. Edhe më parë, analistët ushtarakë kanë parashikuar se dështimi gjithnjë e më i dukshëm i Rusisë në Ukrainë mund t'i kthejë liderët rusë kundër njëri-tjetrit.

Deklaratat e Prigozhin

Prigozhin tha më 27 maj se Wagner do të vendoste nëse do të luftonte në Ukrainë apo në një vend tjetër, duke treguar se ai mund taudhëheqë ushtrinë edhejashtë strukturës formale të komandës ushtarake ruse.

Girkin ka kritikuar gjithashtu së fundmi komandën ushtarake ruse për dështimin për t'u marrë me konfliktin e hapur dhe brutal të Prigozhin me Ministrinë ruse të Mbrojtjes. Instituti për Studimin e Luftës (ISW) kujton se Girkin dhe ekipi i tij nga Klubi i Patriotëve të Zemëruar pretendojnë se konflikti midis ministrit rus të Mbrojtjes Sergei Shoigu dhe Prigozhin tregojnë po zhvillohet një luftë midis ushtrisë ruse dhe forcave të Wagnerit, por se Putini nuk po i kushton vëmendje.

Në intervistat e fundit, Prigozhin vlerësoi Ukrainën, duke thënë ndër të tjera se "Ukraina është një kundërshtar i denjë", se "Ukraina ka një shans për të fituar" dhe se "ata kanë një nga ushtritë më të mira në botë".

Ai tha gjithashtu se Rusia do të humbasë luftën kundër Ukrainës. Glorifikimi i ushtrisë ukrainase të pajisur nga NATO i ndihmon propagandistët rusë, sepse dështimi i tyre është më i lehtë për t'u justifikuar.

Pakti me Ukrainën

Oleksiy Danilov, një nga zyrtarët më të lartë të sigurisë ukrainase, tha gjithashtu dje se një pjesë e mercenarëve të Wagner po tërhiqen nga Bahmuti, por ai shtoi se ata po rigrupohen në tre lokacione të tjera. Këto deklarata vijnë pak pasi “The Washington Post”, publikoi disa dokumente të klasifikuara amerikane, ku zbulohej një ofertë tunduese e Prigozhin për Ukrainën. Aii kishte propozuar komandantëve ukrainas qënëse tërhiqnin trupat e tyre nga zona përreth Bakhmutit ku ishin forcat e tij, ata do t'i jepnin Kievit informacione për pozicionet e trupave ruse.

Dokumentet e tjera të inteligjencës zbuluan gjithashtu një luftë për pushtet midis Prigozhin dhe komandantëve të lartë ushtarakë në Moskë, duke përfshirë ministrin rus të Mbrojtjes Sergei Shoigu.Sipas dokumenteve, Prigozhin dyshohet se ka mbajtur komunikim të fshehtë me shërbimin e inteligjencës ukrainase, që përveç telefonatave, përfshinte edhe takime personale me oficerët e GUR në një vend të paidentifikuar në Afrikë. Aty thuhet gjithashtu se Prigozhin i tha një oficeri të inteligjencës ukrainase se ushtria ruse kishte probleme me furnizimet me municion.

Gjithashtu se ai këshilloi forcat ukrainase të sulmonin Krimenë. Situata është përkeqësuar edhe më shumë pasi vetë Prigozhin nuk ka mohuar asnjë nga akuzat që i janë bërë.

Më 29 maj, presidenti rus Vladimir Putin miratoi zyrtarisht një projektligj që lejon mbajtjen e zgjedhjeve në territoret ukrainase të pushtuara aktualisht nga Moska.

Më herët Putini kishte shpallur ligj ushtarak në zona të caktuara të Ukrainës nën kontrollin rus.

Nën këtë gjendje, mbajtja e zgjedhjeve është e ndaluar. Megjithatë, ligji i sapo miratuar lejon që zgjedhjet të zhvillohen edhe gjatë gjendjes së luftës, me kusht që organizatat e mbrojtjes dhe të sigurisë të japin miratimin e tyre.

Më 18 maj, Duma e Shtetit rus miratoi në leximin e tretë dhe përfundimtar projektliginj që lejon mbajtjen e zgjedhjeve sipas ligjit ushtarak.

Dokumenti do të lejojë Moskën të mbajë zgjedhje parlamentare dhe lokale në territoret e Ukrainës të kontrolluara prej saj.

Në tetor të vitit 2022, Moska njoftoi aneksimin e rajoneve Donjeck, Zaporizhja, Luhansk dhe Herson të Ukrainës. Nga pikëpamja e legjislacionit rus, këto rajone janë të Rusisë.

Kievi dhe komuniteti ndërkombëtar nuk i njohin pretendimet e Rusisë mbi këto territore.

Megjithatë, me dekret të presidentit rus Vladimir Putin në të gjitha këto rajone është shpallur gjendje lufte dhe veprohet me ligjin ushtarak.

Aktualisht, sipas ligjit ushtarak rus, në rajonet ku është futur një regjim i tillë, referendumet, zgjedhjet për autoritetet shtetërore dhe qeveritë lokale nuk zhvillohen.

Por në të njëjtën kohë, ligjet për pranimin e subjekteve të reja në Rusi thonë se zgjedhjet duhet të mbahen në këto rajone në vjeshtën e vitit 2023.

Sipas paketës së ligjeve të miratuar më 18 maj, projektligji, i cili duhet të miratohet nga dhoma e lartë e Parlamentit, Këshilli i Federatës, dhe të nënshkruhet nga Putini për të hyrë në fuqi, lejon zgjedhjet gjatë gjendjes nën ligjin ushtarak me miratim nga organet e mbrojtjes dhe sigurisë./REL

Disa shpërthime tronditën qiejt mbi kryeqytetin e Ukrainës, Kievin, teksa forcat ruse kryen sulme të pazakonta ajrore gjatë ditës në kryeqytetin ukrainas, vetëm disa orë pasi e kishin bombarduar edhe gjatë natës.

Sulmi, i dukshëm në qiejt mbi kryeqytetin ukrainas, filloi menjëherë pasi sirenat e sulmit ajror u dëgjuan në orën 11 të mëngjesit në Kiev më 29 maj, duke bërë që shumë njerëz të kërkonin strehim në stacionet e metrosë dhe nëpër bodrume, raportoi një korrespondent i Radios Evropa e Lirë në Kiev.

“Shpërthimet mund të shiheshin në qiell nga disa vende të qytetit, përfshirë qendrën e Kievit”, tha korrespondenti. “Shpërthimet ndezën alarmet e makinave në të gjithë qytetin dhe mund të dëgjoheshin zhurma të forta, [ndoshta] nga raketat që u rrëzuan nga mbrojtja ajrore”, shtoi ai.

Dëshmitarët okularë thanë se dëgjuan të paktën dhjetë shpërthime në Kiev, ndërsa qielli mbi qytet u mbush me re tymi.

Administrata ushtarake e qytetit tha se mbrojtja ajrore rrëzoi të 11 raketat Iskander të lëshuara nga Rusia në Kiev gjatë sulmit të ditës. Radio Evropa e Lirë nuk ka arritur ta verifikojë këtë pretendim në mënyrë të pavarur.

Kryetari i bashkisë së Kievit, Vitali Klitschko, u bëri thirrje banorëve të strehohen, duke thënë se “sulmi në Kiev vazhdon”.

Të përforcuara nga pajisjet e sofistikuara të furnizuara nga perëndimi, mbrojtja ajrore e Ukrainës ka arritur të pengojë sulmet ajrore ruse – si dromët, ashtu edhe raketat e avionëve.

Rusia i ka intensifikuar sulmet me raketa dhe dronë në Ukrainë pas një periudhe prej gati dy muajsh më të qetë, duke sulmuar objektet dhe furnizimet ushtarake disa herë në javë.

Kievi ishte sulmuar edhe gjatë natës, ndërsa një natë më parë, më 28 maj, kishte pësuar atë që po përshkruhet si vala më e madhe e sulmeve ajrore me dronë nga forcat ruse./REL

Ministria e Punëve të Brendshme të Rusisë ka njoftuar se ka përfshirë në listën e të kërkuarve senatorin amerikan Lindsey Graham, pas komenteve që ai bëri gjatë vizitës së tij në Kiev.

Në një video të takimit të tij me presidentin ukrainas Volodymyr Zelenskyy në Kiev të premten, Graham foli për ndihmën ushtarake prej 38 miliardë dollarësh që SHBA i ka dhënë Ukrainës që nga fillimi i luftës, duke e quajtur atë “investimin më të mirë që kanë bërë ndonjëherë”.

Zëdhënësi i Kremlinit Dmitry Peskov kritikoi deklaratën e senatorit amerikan, duke thënë se ishte i lidhur me frazën e Grahamit “Po vriten edhe rusët”.

Vetë senatori hodhi poshtë kritikat dje, të dielën, duke thënë se ai thjesht po lavdëronte qëndresën e ukrainasve që i rezistonin pushtimit rus me ndihmën e Uashingtonit.

Presidenti i Bjellorusisë, Alexander Lukashenko raportohet se është shtruar me urgjencë në spitalin e Moskës gjatë një vizite në Rusi, pasi gjendja e tij shëndetësore është rënduar sërish.

68-vjeçari mësohet se ishte shtruar në spital në një gjendje ‘kritike’ pasi u rrëzua gjatë një udhëtimi për të takuar aleatin e ngushtë Vladimir Putin.

Incidenti me shëndetin e Lukashenkos vjen pasi para disa javësh lideri bjellorus u zhduk nga sytë e publikut për ditë me radhë për shkak të gjendjes së rënduar.

Pavarësisht përpjekjeve të autoriteteve lokale për t’i dhënë fund spekulimeve me fotografi dhe video të kreut që kryente detyrën më 15 maj, mjekët po ngrenë sërish shqetësime mbi shëndetin e tij sipas DailyMail.

Valery Tsepkalo, lideri i opozitës bjelloruse, tha: “Sipas informacioneve që kemi, të cilat kanë nevojë për konfirmim shtesë, Lukashenko, pas takimit me Putinin me dyer të mbyllura, u dërgua urgjentisht në Spitalin Klinik Qendror në Moskë, ku ndodhet tani.”

Presidenti rus Vladimir Putin pritet të zhvillojë negociata me disa përfaqësues ndërkombëtarë gjatë kësaj jave, sipas mediave pranë Kremlinit.

Megjithatë, raportimi nuk zbuloi se nga cilat shtete do të jenë përfaqësuesit me të cilët do takohet Putin.

Udhëheqësi rus do të kryesojë gjithashtu një takim me qeverinë dhe do të zhvillojë konsultime me anëtarët e përhershëm të Këshillit të Sigurimit të vendit.

Së fundi luftë e ashpë po zhvillohet në Bakhmut.

Kievi dhe të gjitha qytetet e Ukrainës, e gjithë Ukraina, do t’i japin fund historisë së despotizmit të Moskës, e cila ka sjellë skllavëri për shumë popuj të ndryshëm për një kohë shumë të gjatë.

Deklarata përkatëse është bërë nga presidenti ukrainas Volodymyr Zelensky.

Shëndet për ju, shokë ukrainas!

Sot, vendi ynë kaloi një nga sulmet më të mëdha ruse nga Shaheds, 54 dronë në të njëjtën kohë. Pothuajse të gjithë u rrëzuan… Pothuajse! Fatkeqësisht, pati disa goditje në rajonin e Zhytomyr. Ne do të bëjmë gjithçka për të ndihmuar në rivendosjen e asaj që është shkatërruar.

Por megjithatë, shumica e shkatërrimit u shmang dhe shumica e jetëve që mund të ishin marrë nga këta Shahedë u shpëtuan. I jam mirënjohës çdo personi që e bëri të mundur! Trupat raketore kundërajrore dhe aviacioni i Forcave Ajrore, mbrojtja ajrore e Forcave Tokësore dhe grupet tona të lëvizshme të zjarrit… Faleminderit, luftëtarë!

Gjatë këtij sulmi terrorist, goditja më e fuqishme u drejtua kundër rajonit të Kievit. Brenda qytetit të Kievit dhe rajonit, 36 dronë u rrëzuan. Kështu feston Rusia ditën e Kievit tonë të lashtë…

Gjatë gjithë historisë së tij, Kievi ka parë poshtërsi të ndryshme nga pushtuesit. U ka mbijetuar të gjithëve dhe do t’u mbijetojë rusistëve. Asnjë prej tyre nuk do të jetë këtu! Kievi dhe të gjitha qytetet tona, e gjithë Ukraina jonë, do t’i japin fund historisë së despotizmit të Moskës, e cila ka sjellë skllavëri për shumë popuj të ndryshëm për një kohë shumë të gjatë. As Shaheds dhe asnjë mjet tjetër terrori që ajo kërkon në mënyrë poshtëruese nëpër botë nuk do ta shpëtojë atë. Sepse forca është te njerëzit, është në qytete, është në jetë, dhe kur jeta, njerëzit dhe qytetet më të rëndësishme për kulturën përçmohen, Rusia do të përballet vetëm me humbje. Dhe as qindra Shahedë nuk do ta shpëtojnë atë nga kjo. Ata vetëm sa do ta zmadhojnë turpin e Rusisë.

Këto ditë, ne urojmë Kievin dhe Oleksandriya, Severodonetsk, Kalush, Kryvyi Rih… Qytete me fate të ndryshme, por të respektit tonë të barabartë. Ukraina jonë. Besimi ynë se do ta kalojmë këtë fazë jashtëzakonisht të vështirë të historisë… Do ta kalojmë dhe të gjitha qytetet tona do të jenë të lira dhe njerëzit tanë do të mbrohen nga çdo e keqe që mund t’i kërcënojë vendin tonë.

Sot dua të falënderoj të gjithë njerëzit tanë që kanë luftuar dhe po luftojnë për Ukrainën, të gjithë luftëtarët tanë, të gjitha degët e Forcave të Armatosura dhe të gjitha llojet e trupave, çdo brigadë, çdo njësi. Faleminderit! Për të gjithë ata që janë në luftim, për të gjithë ata që janë në misione luftarake, për të gjithë ata që janë në poste luftarake!

Dhe falënderoj të gjithë pa të cilët nuk mund ta imagjinojmë rezistencën efektive të shtetit dhe mbrojtjen efektive të qyteteve tona. I jam mirënjohës secilit që stërvit luftëtarët tanë dhe shëron plagët e tyre. Kush prodhon dhe furnizon armë. Kush siguron logjistikën dhe komunikimin tonë. Falënderoj të gjithë ata që i japin Ukrainës informacione inteligjente dhe që përhapin të vërtetën për luftën dhe terrorin rus në mbarë botën. I jam mirënjohës secilit që siguron operacionet tona të shpëtimit pas sulmeve të armikut dhe eliminon pasojat e tyre.

I jam mirënjohës të gjithëve në botë që kujdesen dhe duan që liria të fitojë po aq sa ne.

Të gjithë inxhinierët tanë të energjisë dhe punëtorët e transportit. Faleminderit! Ukrzaliznytsia. Industria e mbrojtjes. Të gjithë vullnetarët tanë. United24 dhe ambasadorët tanë. Faleminderit! Oficerët tanë të zbatimit të ligjit. Autoritetet lokale. Punonjësit e shërbimeve publike. Sistemi ynë arsimor. Figurat tona kulturore. Historianët tanë. Të gjithë ata që mbajnë vende pune dhe të gjithë ata që krijojnë vende pune pa marrë parasysh çfarë. Fermerët tanë, punëtorë të sektorit tonë bujqësor. Industria jonë. Specialistët tanë të IT. Nëpunësit tanë civilë. Diplomatët tanë. Falenderoj të gjithë ata që forcojnë mbrojtjen tonë, shtetin tonë dhe popullin tonë!

Fakti që kryeqyteti ynë është i lirë, fakti që qytetet tona mbrojnë veten me dinjitet, fakti që ne do të çlirojmë çdo qytet të pushtuar aktualisht, e gjithë kjo është meritë e shumë njerëzve. Të gjithë ata që luftojnë dhe punojnë për Ukrainën. Kjo është meritë e kombit tonë të fuqishëm që di të bëjë gjëra historike. Kur është e bashkuar. Kur e kupton forcën e saj. Kur nuk i fal armikut asgjë. Dhe kur frymëzon të gjithë botën.

Ne do të shkojmë përpara derisa të çlirojmë të gjithë tokën tonë ukrainase… Ne po mbrojmë çdo qytet… Ne kujdesemi për njëri-tjetrin dhe kujtojmë të gjithë njerëzit tanë që duhet t’i sjellim në shtëpi nga robëria ruse në qytetet dhe fshatrat e tyre.

Lavdi njerëzve tanë të bukur!

Lavdi të gjithë atyre që kujdesen për vendin tonë!

Lavdi Ukrainës!

Pas sulmit masiv me mbi 50 dronë, gjatë natës pati sërish alarme ajrore në kryeqytetin ukrainas, por jo vetëm. Dronë të tipit Sahed dhe raketa mbërritën nga Rusia, raportojnë mediat ukrainase.

Pak pas mesnatës, banorët u këshilluan që të qëndronin të fshehur dhe pas orës 01:30 të mëngjesit, u regjistruan sulme në disa qytete të Ukrainës.

Presidenti i Bjellorusisë, Aleksandër Lukashenko ka vizituar së fundmi Rusinë dhe ka deklaruar se vendet të cilat ndihen të kërcënuara nga armët bërthamore mund të jenë pjesë e aleancës me Rusinë në mënyrë që mos të kenë asgjë për t'u shqetësuar pasi "do të ketë armë bërthamore për të gjithë". 

Nga ana tjetër, pas sulmit me dron, në prag të festimeve për themelimin e kryeqytetit ukrainas, Presidenti Zelensky dërgon një mesazh të ri: "Gjatë historisë së tij, Kievi ka qenë dëshmitar i mizorive të ndryshme nga pushtuesit por u mbijetoi atyre dhe t'i mbijetojë të gjithëve. Asnjë prej tyre nuk do të jetë këtu!"