Rreth 25 palestinezë janë plagosur, kryesisht me armë zjarri nga ushtria izraelite, gjatë përleshjeve të dhunshme në kufirin e Gazës, raporton Ministria e Shëndetësisë e Gazës. Demonstruesit e plagosur janë evakuuar. Gjendja e tyre është e panjohur.
Të paktën 12 palestinezë të lënduar u qëlluan, ndërsa dhjetëra të tjerë pësuan probleme frymëmarrjeje dhe mbytjeje për shkak të inhalacionit të gazit lotsjellës.
Shpërthimi i dhunshëm i së premtes vjen pas sinjaleve për një marrëveshje Izrael-Hama për të ardhmen e Gazës, që do të mund t'i jepte fund protestave dhe përdorimit të zjarrit përgjatë zonës së rrethimit. Në këmbim, do të hapen dy pika kalimi.
Demonstratat e së premtes, një vazhdim i protestave të Marshit të Madh të Kthimit, ishin gjithashtu një protestë kundër vdekjes së 17-vjeçarit Mohammed Tarek Dar Jusuf. Adoleshenti palestinez hyri në një shtëpi kolone dhe goditi tre izraelitë javën e kaluar, një prej të cilëve vdiq më vonë nga plagët. Yusuf u qëllua dhe u vra në 27 korrik.
Organizatorët e marsit kërkuan pjesëmarrjen masive në mënyrë që "t'u dërgonin një mesazh palestinezëve që të mos dorëzoheshin ndaj diktateve terroriste të Izraelit derisa bllokada të hiqet".
