Ushtria armene njoftoi sot se një nga avionët e saj luftarak u rrëzua dhe me këtë rast të dy pilotët vdiqën.
Sipas zëdhënësit të Ministrisë së Mbrojtjes Artsrun Hovhanisyan, Su-25 u rrëzua sot gjatë trajnimit të rregullt, njoftoi AP.
Ai tha se avioni kishte fluturuar nga Gjumri dhe u rrëzua në malet pranë Maralikut në veriperëndim të vendit.
Shkaku i rënies së avionit nuk dihet, transmeton KosovaPress.
Su-25 është një aeroplan me dy motorë i projektuar në Bashkimin Sovjetik gjatë viteve 1970, i cili është ende në shërbim në Rusi dhe disa ish-republika sovjetike.