Bullgaria pajiset me tetë avionë të rinj luftarakë nga Amerika - Bota Sot
Bullgaria pajiset me tetë avionë të rinj luftarakë nga Amerika

Evropë

Bullgaria pajiset me tetë avionë të rinj luftarakë nga Amerika

Më: 10 korrik 2019 Në ora: 23:31
Ilustrim

Qeveria e Bullgarisë miratoi blerjen e tetë avionëve luftarakë të tipit F-16 për 1,2 miliardë dollarë si pjesë e bisedimeve tregtare me SHBA-në.

Në një deklaratë pas Këshillit të Ministrave u bë e ditur se bisedimet me SHBA-në për rinovimin e avionëve të vendit kanë përfunduar me sukses.

Ministri bullgar i Mbrojtjes, Krasimir Karakachanov tha se “në kuadër të buxhetit të miratuar, me SHBA-në do të nënshkruhet një marrëveshje për blerjen e gjashtë avionëve me një pilot dhe dy avionëve me dy pilotë. Në kuadër të marrëveshjes do të nënshkruhen katër protokolle të veçanta për blerjen e avionëve, sigurimin e stoqeve të armatimeve, blerjen e raketave të telekomanduara dhe instalimin e udhëzimeve dhe sistemeve të drejtimit.

Karakachanov tha se çmimi i përgjithshëm i flotës u ul nga 1,4 miliardë dollarë në 1,2 miliardë dollarë falë bisedimeve me SHBA-në. Ai vuri në dukje se nga qeveria amerikane pritet që ajo të investojë 60 milionë dollarë në logjistikë në bazën ajrore “Graf Ignatievo”, ku do të vendosen avionët.

Vendimi i qeverisë është dorëzuar në Komisionin parlamentar të Mbrojtjes dhe pritet të marrë miratimin nga deputetët. Parlamenti bullgar gjashtë muaj më parë i dha lejen qeverisë që të fillojë bisedimet me SHBA-në. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...