Kryeministri Johnson gënjeu mbretëreshën? Çfarë fshihet pas pezullimit të parlamentit - Bota Sot
Kryeministri Johnson gënjeu mbretëreshën? Çfarë fshihet pas pezullimit të parlamentit

Evropë

Kryeministri Johnson gënjeu mbretëreshën? Çfarë fshihet pas pezullimit të parlamentit

Më: 12 shtator 2019 Në ora: 16:57
Boris Johnson dhe Elisabetë

Boris Johnson mohoi ta ketë gënjyer mbretëreshën Elisabetë mbi arsyen e pezullimit të parlamentit, ndonëse raporte të tilla mbushën mediat në Britani.

Ndërprerja prej pesë muajsh e punës së këtij institucioni u shpall e paligjshme nga një gjykatë skoceze, megjithatë fjalën e fundit tani do ta ketë Gjykata e Lartë.

Këtu i ka varur shpresat dhe Johnson-i që vazhdon të këmbëngulë se e kërkoi pezullimin e parlamentit me qëllimin që të ketë kohë të prezantojë programin e tij të përmirësuar mbi shëndetësinë, politikëbërjen dhe prioritete të tjera të popullit.

Por zëdhënësi i Partisë Laburiste në opozitë për Brexitin, Keir Starmer e fshikulloi ashpër duke thënë se “asnjë person me dy pare mend në kokë, nuk e beson që kjo është arsyeja e vërtetë e lëvizjes së Johnson-it”.

Kryeministri britanik po përballet me një presion të jashtëzakonshëm nga ligjvënësit dhe publiku për të lejuar punën e parlamentit. Pesë javët e kërkuara prej tij e bëjnë këtë shtyrjen më të gjatë të këtij lloji prej pothuajse një shekulli në Britaninë e Madhe.

Bindja e përgjithshme është se me pezullimin e parlamentit, qeveria kërkoi t’i kufizonte ligjvënësve mundësinë të aprovonin ligje që do të pengonin një Brexit pa marrëveshje.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...