Deputetët e BE kanë kundërshtuar ashpër kandidaturën e eurokomisioneres franceze, Sylvie Goulard.
Goulard u emërua nga Macron dhe u caktua nga presidentja e zgjedhur e komisionit, Ursula von der Leyen.
Ajo u kritikua nga Parlamenti Europian pas një hetimi mbi pagesat e stafit si dhe për punë konsulente fitimprurëse, gjatë kohës së saj si deputete e BE-së.
Në votimin e komitetit, Goulard u mbështet nga 29 persona ndërsa u refuzua nga 82 të tjerë.
Eurodeputetët vendosën se nuk mund të miratojnë formimin e plotë të ekipit të BE-së, nëse përfshihet Goulard.
Ata kanë kundërshtuar gjithashtu kandidatët nga Hungaria dhe Rumania.