Austria lejoi mijëra dyqane të rihapen të martën, duke u bërë një nga vendet e para në Evropë që lehtëson masat e vendosura për të ngadalësuar përhapjen e koronavirusit.
Austria veproi herët gjatë shpërthimit të virusit duke mbyllur shkollat, baret, teatrot, restorantet, dyqanet jo thelbësore afërsisht 5 javë më parë, transmeton Reporteri.
Republika alpine ia ka dalë deri tani relativisht mirë, pasi në numër total ka raportuar më pak vdekje pak se disa vende më të mëdha evropiane kanë vuajtur çdo ditë. Rritja ditore e rasteve të konfirmuara ka rënë në shifra të ulëta të dhe shtrimet në spital janë stabilizuar.
Sidoqoftë, kritikët shprehën shqetësime se lehtësimi i kufizimeve mund të çojë në ringjalljen e virusit.
Javën e kaluar, qeveria e udhëhequr nga konservatorët përshkroi një plan hap pas hapi për të rihapur pjesë të ekonomisë, duke filluar me dyqane.
Ato do të pasohen nga qendrat tregtare, dyqanet më të mëdha dhe parukierët nga 1 maj.
Mbetet e paqartë nëse, edhe me kufizimet në numrin e njerëzve që lejohen brenda dyqaneve dhe një kërkesë që të gjithë blerësit të veshin maska për fytyrën, qeveria po rrezikon bllokimin që është akoma në fuqi.
Nga 15 maji do të lejohen që të hapen restorantet dhe kafenetë, si dhe shërbimet fetare të rifillojnë. Kështu ka njoftuar kancelari Sebastian Kurz në një konferencë për media gjatë ditës së sotme.
Siç është bërë e ditur edhe më herët, shkollat e mesme do të rihapen në fillim të majit për nxënësit që janë në vitin e fundit, derisa Kurz ka thënë se shkollat për nxënësit në klasët e tjera do të nisin më 15 maj.
Ngjarjet publike nuk do të lejohen të ndodhin deri në korrik.
Kujtojmë se ministri i Shëndetësisë, Arben Vitia ditë më parë tha se Kosova ka marrë shembullin e Austrisë në luftimin e pandemisë.
“Austria ka qenë më trime në marrjen e masave më radikale qysh në fillim, dhe kjo ka treguar se ka filluar rënia. Ne shpresojmë që nëse respektohen këto masa, deri me datën katër maj do të jemi edhe ne në pozitë të tilla, dhe pas kësaj date të kthehemi në një normalitet të ri. Kjo pasi normalitetin siç e kemi pasur nuk besoj se do ta kemi”, ka thënë ai.
