Italia ka dal sot nga regjimi i izolimit total të vendit i dekretuar nga qeveria Conte për të limituar rrezikun e infektimit nga pandemia në kuadër të festave të fundivitit.
Vetëm për sot e për një ditë të vetme në të gjithë Italinë do të aplikohen masat e zonës së portokalltë që lejojnë lëvizjen e banorëve brenda së njëjtës komunë e hapjen e aktiviteteve të bareve e restoranteve si dhe zbatimin e orës policore nga 22.00 deri në 5.00 të mëngjesit.
Më 5 e 6 janar rikthehet përsëri regjimi i lockdown-it duke qënë se këto dy data konsiderohen festive e prefestive në kalendarin zyrtar italian.
I ashtuquajturi dekreti i Krishtlindjeve i firmosur nga kryeministri italian për të evituar rritjen e kurbës pandemike në festat e fundvititit skadon më datë 6 janar e qeveria italiane është tashmë në punë për hartimin e masave të reja anticovid.
Numri i të infektuarve dhe i viktimave Covid në Itali, vazhdon të jetë preokupues për qeverinë e raporti i fundit i Insitutit të shëndetit publik ka sinjalizuar një rritje të koefiçientit të rrezikut të infektimit në nivel kombëtar.
Në mbledhjen e sapo mbyllur të kryeministrit Conte me kryetarët e grupeve politike të mazhorancës e me Komitetin Tekniko Shkencor, është hedhur ideja e aprovimit të një dekreti “urë” me efekt një javor nga 7 janari deri më 15 janar, që do të mundësoj më shumë kohë në verifikimin e sjelljes së virusit.
Dy janë mundësitë që qeveria italiane ka marrë në konsideratë për momentin: o mbajtja e këtyre masave që janë në fuqi e shtyerjen e tyre deri më 15 janar, që do të thotë zonë e portokalltë gjatë ditëve të javës dhe zonë e kuqe pra një izolim total i vendit për weekend, ose kthimi i vendit në zonë të verdhë që prej datës 7 janar e vendosja e lockdow-nit në fundjavë.
Raporti i radhës i Institutit Suprem të Shëdetit Publik, pritet të publikohet më datë 7 o 8 janar e do të ndihmoj qeverinë të ketë një kuadër më të plotë mbi situatën e emergjencës shëndetësore në vend.
Gjithashtu një tjetër temë e nxehtë e orëve të fundit është çështja e rihapjes së shkollave.
Në fjalimin e tij të fundvitit Kryeministri Giuseppe Conte informoj hapjen e shkollave në kuotën e 50% të nxënësve në klanë më datë 7 janar e arritjen në 75% të frekuencës së tyre më 18 janar.
Por preokupimi mbi mos reduktimin e numrit të të infektuarve dhe të viktimave Covid ka bërë që autoritetet lokale të disa rajoneve italiane si dhe grupe mësuesish e prindër të shprehen publikisht kundër nisjes së shkollës me praninë e nxënësve në klasa,
E një tjetër problem jo indiferent po shfaqet në realitetin italian. Ëshë alarmi i vonesave të mjaft rajoneve në zbatimin e fushatës së vaksinimit anti Covid për kategoritë e punonjësve të sistemit shëndetësorë si dhe për të moshuarit në qendrat e asistencës e personeli i tyre.
Rajoni i Lombardisë më i godituri nga pandemia, të cilit i është përcaktuar numri më i lartë i dozave të vaksinës, deri në orën 23 të mbrëmjes së shkuar nga 80 595 doza vaksinë të marra në dorëzim ka kryer vetëm 3126 dhe është ndër rajonet me përqindjen më të ulët të vaksinave të kryera për banorë.
Deri më sot ka arritur në gati 119 mijë numri i personave të vaksinuar në Itali.
