Disa mijëra njerëz u mblodhën për një festë të paligjshme në një park të Brukselit të shtunën për të protestuar ndaj kufizimeve të COVID-19, për t’u përplasur me një forcë të madhe policie që përdori topa uji dhe gaz lotsjellës për të shpërndarë turmën, njoftoi AP.
Ishte mbledhja e dytë e këtij lloji brenda një muaji në Belgjikë. Edhe një herë, kryesisht të rinjtë shpërfillën lutjet nga qeveria, për të mbajtur distancë sociale dhe për të respektuar rregullat e përdorimit të maskës.
Policia mbërriti më herët në pyjet La Cambre pasi u paralajmërua se festa do të organizohej. Përleshjet shpërthyen pasi turmat e mëdha filluan të mblidheshin në vonë.
Disa protestues u mblodhën rreth një zjarri duke thirrur "Liri!" dhe “Ku është festa? Këtu është festa!” Disa sulmuan policinë me sende të ndryshme.
Belgjika ende ka rregulla strikte që ndalojnë tubimet e mëdha dhe këmbëngul për njerëzit që të mbajnë maska fytyre në turma të mëdha.
Prokuroria e Brukselit kishte paralajmëruar që policia do të vendoset në park dhe se kushdo që shkel kufizimet mund të ndiqet penalisht. Ishte e paqartë se sa njerëz ishin ndaluar ose plagosur. Të paktën një person u pa duke u marrë me një barelë dhe duke u futur në një ambulancë.
