Lëvizja për ndryshimin e klimës, “Letzte Generation” (Brezi i Fundit) publikoi në rrjetet sociale momentin e një sulmi fizik agresiv ndaj anëtarëve të tyre.
Gjegjësisht, aktivistët u ulën në rrugë në shenjë proteste pranë qytetit gjerman, Manheim dhe me trupat e tyre bllokuan kalimin e veturave.
Kishte një numër të madh të protestuesve ndërsa një shofer që humbi durimin, doli nga vetura dhe egërsisht e kapi vajzën që ishte ulur në dysheme dhe e hodhi matanë rrugës. Ai e ka goditur fort një aktivist tjetër duke e grushtuar në kokë ndërsa të njëjtën gjë ka bërë edhe me një person tjetër.
Pas shqyrtimit të videos, policia identifikoi shoferin e dhunshëm në të njëjtën ditë kur u publikua (e enjte) dhe tashmë e ka arrestuar.
Krahas kësaj videoje, reagime te publiku ka shkaktuar edhe një video tjetër nga Mannheim. Ajo tregon një polic që derdh një sasi të madhe vaji mbi kokën e një aktivisti kundër ndryshimeve klimatike.
Sipas Ralf Kusterer, president rajonal i sindikatës së policisë Baden-Württemberg, për shkak të protestave të shumta klimatike, presioni ndaj policisë po rritet dhe ai e kupton nëse një nga kolegët “e humb busullën”. Policia thotë se po heton nëse polici që i hodhi vaj gruas duhet të përballet me pasoja disiplinore.
