Kërcënimet për terrorizëm në Danimarkë janë rritur për shkak të luftës së Izraelit kundër militantëve të Hamasit në Gaza dhe një serie djegiesh të Kuranit në Danimarkë vitin e kaluar, tha të enjten shërbimi danez i sigurisë dhe inteligjencës PET.
PET vlerësoi nivelin e përgjithshëm të kërcënimit nga katër në pesë, por tha se rreziqet brenda atij niveli ishin rritur.
“Konflikti midis Izraelit dhe një numri grupesh militante është sigurisht shqetësues për shumë njerëz, përfshirë Danimarkën”, tha PET në një deklaratë.
Aktivistët anti-islamë vitin e kaluar dëmtuan disa kopje të Kuranit në Danimarkë dhe gjithashtu në Suedinë fqinje, dy nga vendet më liberale në botë, të cilat kanë lejuar kritika të ashpra ndaj fesë në emër të fjalës së lirë.
Suedia e ngriti alarmin e saj për terrorizëm në nivelin e dytë më të lartë, duke thënë se kishte penguar sulmet pas djegies së Kuranit dhe akteve të tjera kundër librit më të shenjtë të Islamit që shkaktuan kërcënime nga xhihadistët.
Parlamenti i Danimarkës në dhjetor miratoi një ligj që e bën të paligjshme djegien e Kuranit në vende publike, duke kërkuar të zbusë tensionet me vendet myslimane, shkruan Reuters.
