“Vit i ri, pamje e re, objektiv i njëjtë! Mirësevjen W10”. Me këto fjalë Mercedes prezantoi makinën e re, me të cilën pilotët Lewis Hamilton dhe Valtteri Bottas do të garojnë në Botërorin 2019 të Formula 1.
Skuderia gjermane, e cila është kampione në fuqi ka ruajtur ngjyrën argjend, ndërsa ka bërë disa ndryshime të rëndësishme në aerodinamikë. I kënaqur me makinën duket edhe Hamilton.
“Mezi pres ta ngas për herë të parë këtë makinë”, ka komentuar kampioni i botës.
Me këtë makinë të quajtur W10 EQ Power+, skuderia Mercedes kërkon të lerë sërish pas rivalët më të mëdhenj të Ferrarit.
