Ferrari mendon trefishimin e pagës së Leclerc pas dy fitoreve në Formula 1 - Bota Sot
Ferrari mendon trefishimin e pagës së Leclerc pas dy fitoreve në Formula 1

Formula 1

Ferrari mendon trefishimin e pagës së Leclerc pas dy fitoreve në Formula 1

Më: 18 shtator 2019 Në ora: 14:32
Ilustrim

Charles Lecler, është padyshim piloti më premtues i Formula 1. 21-vjeçari i Ferrarit ka treguar se është mjaft ambicioz dhe objektivi është i qartë, të shpallet kampion bote me Ferrarin.

Edhe pse është vetëm në vitin e parë me kokë-kuqen, ai ka arritur që në pak gara të lë shenjën tij, duke lënë në hije katër herë kampionin e botës, Sebastian Vettel. Gjermani duket në krizë dhe nuk po jep më të mirën.

Dy fitoret e arritura në Belgjikë dhe Itali kanë bindur drejtuesit e Ferrarit për t’i rinovuar kontratën pilotit monogask  Leclerc.

Aktualisht, 21-vjeçari përfiton 2 milionë euro në sezon, por nga viti 2020 paga do të shkojë 3 milionë euro në sezon. Ideja e “kokëkuqes” është që ta trefishojë këtë shumë, duke e çuar rrogën e pilotit në 9 milionë euro në sezon, duke zgjatur kontratën deri në vitin 2024.

Ky rinovim mund të zyrtarizohet në garën e fundit të sezonit në Abu Dabi./Atsh

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...