Ermira Topalli e AK Ferizajt edhe njëherë ka dëshmuar se është ndër garueset më të mira në Kosovë. Topalli me Golf 5 ka triumfuar edhe në garën e sotme në Sllatinë, e cila u mbajt në disiplinën e auto sllallomit në kuadër të Kampionatit të Kosovës në automobilizëm.
Topalli deri te fitorja erdhi me kohën prej 01.46.552 minuta.
“Tashmë edhe ne kemi bërë një përvojë të konsiderueshme në gara, por sigurisht që do të përmirësohemi edhe më shumë. Sot ishte një garë dhe organizim i mirë e po ashtu edhe konkurrenca ishte e fortë. Shpresoj që në të ardhmen numri i garueseve të jetë edhe më i madh, ndërsa jam optimiste se do të vazhdoj me rezultate të mira”, ka thënë Ermira pas fitores.
Në pozitën e dytë u rendit Pranvera Xhaferi e Eurogoma RT, e cila garoi me Golf 7 dhe ishte vetëm 00.177 sekonda më e ngadalshme se fituesja, derisa pozita e tretë i takoi Luljeta Topallit të AK Ferizajt, e cila u paraqit me Skoda dhe pati kohën 01:51.393 minuta.
Rezultatet: Klasa 1 (deri 1200 ccm – Grupi 1) 1.Luljeta Topalli (Skoda – Ferizaj) 01:51.393
Klasa 2 (mbi 1200-1600 ccm – Grupi 1) 1.Besa Gashi (Golf 5 – Eurogoma RT) 01:52.791 2.Kadishe Shabani (Polo – Ferizaj) 01:54.889
Klasa 3 (mbi 1600 ccm – Grupi 1) 1.Ermira Topalli (Golf 5 – Ferizaj) 01:46.552 2.Pranvera Xhaferi (Golf 7 – Eurogoma RT) 01:46.729 3.Mimoza Jetullahu (Golf 6 – Eurogoma RT) 01:53.452 4.Qerime Rexhepi (Seat Altea – Eurogoma RT) 02:05.937
Klasa 4 (deri 1200 ccm – Grupi 2) 1.Brunilda Tafili (BMW – Eurogoma RT) 01:54.440 2.Binaze Hyseni (Audi Q5 – Vjosa) 01:57.737 Plasmani i përgjithshëm: 1.Ermira Topalli (Golf 5 – Ferizaj) 01:46.552 2.Pranvera Xhaferi (Golf 7 – Eurogoma RT) 01:46.729 3.Luljeta Topalli (Skoda – Ferizaj) 01:51.393
Plasmani ekipor: 1.AK Ferizaj 37.5 pikë 2.AK Eurogoma RT 37 3.Vjosa 7.5.
