Federata Ndërkombëtare e Automobilizmit (FIA), ka zyrtarizuar kalendarin e Botërorit 2019 të Formula 1. Sezoni i ri do të nisë më 17 mars, në Australi, ndërkohë që gara e fundit do të zhvillohet më 1 dhjetor, në Abu Dhabi. Ashtu si dhe këtë vit, Botërori 2019 në Formula 1 do të ketë 21 gara. Në muajin shtator do të zhvillohen 4 gara, një rekord. Ndërkohë që këtë vit, FIA ka vendosur të bëjë një rokadë garash në Amerikë, me garën e Meksikës që do të zhvillohet para asaj të Teksasit. Si gjithmonë edhe edicioni i ri pritet të jetë interesant dhe garë e fortë për titullin e kampionit.
