Skuadra e Ballkanit nga Theranda është kualifikuar në gjysmëfinalen e Kupës së Kosovës. Therandasit me shumë mund siguruan kualifikimin, duke shënuar fitore me rezultat 1:0 pas 120 minutave në duel me Kikën nga Hogoshti, në ndeshjen që u luajt në stadiumin në Gjilan. Ndeshja në kohën e rregullt përfundoi pa gola, por pas vazhdimeve Ballkani fitoi me golin e Edin Maksutaj në minutën e 114-të. Kika ishte si vendase dhe bëri lojë të mirë, por fati nuk ishte në anën e tyre, kurse therandasit shënojnë një sukses të madh me kualifikimin më tutje.
