Gjysma e Europës interesohet për 22-vjeçarin e FC Brugge, Wesley. Braziliani po kalon formën e jetës: në sezonin aktual, sulmuesi ka shënuar 13 gola në 32 ndeshje për belgët, duke përgatitur edhe shtatë të tjerë.
Nuk është çudi që gjigantët e Europës e kanë shënuar emrin e tij te lista e dëshirave për në verë.
Sipas medieve belge, në ndeshjen e së enjtes ndaj Salzburg (2:1), skautët e Borussia Dortmund, Paris Saint-Germain, Tottenham Hotspur, Manchester United, FC Arsenal, Chelsea dhe Barcelona-s ishin të pranishëm në stadium.
Braziliani do t’i ketë kënaqur vëzhguesit, teksa ka shkëlqyer duke shënuar golin e fitores për Brugge.
Kontrata e Wesley skadon në vitin 2023.
