Empoli ka marrë një fitore befasuese 2-1 në shtëpi kundër Napoli-t në javën e 30-të të kampionatit italian.
Një rezultat i rëndësishëm për Veselin me shokë në luftën për mbijetesë. Falë këtyre tri pikëve, toskanët kanë dalë nga zona e ftohtë e renditjes dhe janë ngjitur në vendin e 17-të. Napoli, nga ana tjetër, mbetet në vendin e dytë, 18 pikë larg Juventus-it.
Takimi është hapur në minutën e 28-të me një gol të Faria-s, por napolitanët kanë reaguar me një realizim të mrekullueshëm të Zielinski-t në të 44-ën.
Goli që ka vendosur sfidën ka ardhur në minutën e 53-të dhe është shënuar nga Di Lorenzo, i cili ka befasuar mbrojtjen mike me një goditje me kokë.