Ky është menaxheri shqiptar që e ndërmjetësoi transferimin e Jovicit në Real Madrid - Bota Sot
Ky është menaxheri shqiptar që e ndërmjetësoi transferimin e Jovicit në Real Madrid

Futboll

Ky është menaxheri shqiptar që e ndërmjetësoi transferimin e Jovicit në Real Madrid

Më: 12 qershor 2019 Në ora: 16:19
Pamje nga takimi

Menaxheri shqiptar, Fali Ramadani ka ndërmjetësuar në transferimin e Luka Jovicit në Real Madrid. “Gazeta Express” ka siguruar fotografi ku shihet menaxheri i njohur shqiptar së bashku me futbollistin dhe presidentin e “Los Blancos”, Florentino Perez

Luka Jovic e kompletoi sot transferimin në Real Madrid, i cili ia bëri edhe prezantimin zyrtar.

Por, kush ishte i përfshirë dhe kush punoi që ky transferim të realizohej?

Siç mëson “Gazeta Express”, menaxheri i njohur shqiptar, Fali Ramadani ka ndërmjetësuar dhe ka ndihmuar që ky transferim të realizohet.

Gazeta e ka siguruar edhe fotografinë e prezantimit, ku Ramadani shihet së bashku me futbollistin më të ri të “Los Blancos” dhe me presidentin e Realit, Florentino Perez.

Jovic u transferua në Madrid nga Eintracht Frankfurti dhe sot u prezantua përpara tifozëve në stadiumin “Santiago Bernabeu”.

Para se të fillonte prezantimi, 21-vjeçari e vizitoi dhomën e trofeve të Real Madridit, ku gjenden edhe 13 trofetë e Ligës së Kampionëve.

Pas kësaj, ai doli në fushën e stadiumit.

Nga ana e tij, Ramadani viteve të fundit është njëri prej menaxherëve më të suksesshëm shqiptarë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...