Një prej skuadrave më të njohura afrikane, Nigeria, ka mposhtur Guinean me rezultatin e ngushtë 1:0.
Ndeshja e zhvilluar pasditen e së mërkurës në “Alexandria Stadium” të Aleksandrisë ka qenë tepër e luftuar dhe jo aq e lehtë se sa ishte parashikuar.
Nigerisë i është dashur 73 minuta për të gjetur golin e avantazhit kur lojtari i Leganes Kenneth Omeru ka zhbllokuar rezultatin duke i dhënë tri pikët të rëndësishme kombit të tij.
Me këtë fitore, Nigeria mbetet në krye të grupit B të Kupës së Afrikës me gjashtë pikë të plota dhe e ka siguruar kualifikimin për në fazën e nokautit.
