Van Dijk: Ka ardhur koha që një mbrojtës ta fitojë Topin e Artë - Bota Sot
Van Dijk: Ka ardhur koha që një mbrojtës ta fitojë Topin e Artë

Futboll

Van Dijk: Ka ardhur koha që një mbrojtës ta fitojë Topin e Artë

Më: 21 korrik 2019 Në ora: 10:40
Messi dhe Van Dijk

Virgil Van Dijk ka thënë se ka ardhur kohë që një mbrojtës ta fitojë Topin e Artë, në një kohë kur spekulohet se ai është favoriti kryesor për ta fituar atë para Lionel Messit këtë vit.

Mbrojtësi i Liverpoolit e fitoi çmimin Lojtari i Vitit në Premierligë pasi me paraqitjet e tij në zemrën e mbrojtjes i frymëzoi të kuqtë që ta fitojnë Ligën e Kampionëve dhe ta përfundojnë sezonin në vendin e dytë në Premierligë.

Përfaqësuesi i Holandës tha se e preferon triumfin e klubit të tij në Ligën e Kampionëve para nderimeve personale, por e pranoi se është i lumtur që po konsiderohet edhe për çmime individuale.

“Fitimi i çmimit lojtar i vitit në Premierligë është nder i madh. Është nderi më i madh që mund ta përjetosh sepse ky çmim votohet nga lojtarët”, tha Van Dijk.

“E kam thënë edhe më parë, do ta shkëmbeja atë me Ligën e Kampionëve. Për fat të mirë, nuk më është dashur ta bëj. Është nder për mua që njerëzit po flasin për Topin e Artë, por çfarë mund të bëj unë? Nuk kam kurrfarë ndikimi”, shtoi ai.

“E kuptoj fatin që natyrisht sulmuesit ose 10-shat i fitojnë këto çmime sepse janë më atraktivë për t’i parë. Por, mbase ka ardhur koha ta ndryshojmë këtë”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...