Sulmuesi Liridon Fetahaj largohet nga skuadra me renome Prishtina.
Ai përmes profilit të tij ka konfirmuar largimin, por ka falënderuar edhe klubin e futbollit Prishtina po ashtu edhe Lirinë nga Prizreni.
“Nuk jam pjesë e FC Prishtinës, i falënderoj bashkëlojtarët dhe stafin e trajnerëve.
Gjithashtu falënderoj edhe klubin e zemrës FC Lirinë që nuk patëm mundësinë ta mbajmë në Superligë, falënderoj kryesinë klubit, kryetarin e klubit Iliaz Iliazi i cili ishte shumë korrekt ndaj meje dhe shpresoj qe t’i jepnin përkrahjen e duhur për t’u kthyer në Superligë”, shkruan Fetahaj. Futbollisti nuk dihet se ku do të vazhdojë karrierën në edicionin e ri!