Futbollistja më përvojë, Suada Jashari, anëtare e kampiones së Kosovës, Mitrovica, shkruan se nuk është turp të humbësh nga kampionia e Gjermanisë.
Mitrovica pësoi humbje me 10:0 nga Wolfsburgu, në ndeshjen e parë të 1/16-së së kualifikueseve për Champions League.
Nuk është turp me humb prej më t'mirit të Europës.
Ne akoma jemi ekip i ri për mos me humb në këtë kompeticion. Është Wolfsburgu, 5 herë kampion i Gjermanisë, 5 herë fitues i kupës së Gjermanisë, është ekip që e ka fituar dy herë Champions League e 2 herë u kanë finalist i kësaj gare.
Ne jemi në 32 ekipet më të mira të Europës dhe për momentin është arritje e madhe. Asnjë rezultat nuk e thyen këtë ekip e nuk na zhgenjën, përkundrazi është shtysë për me punu më shumë. Faleminderit atyre që na mbështesin”, shkruan Suada Jashari.
