Ka përfunduar ndeshja ndërmjet Prishtinës e Drenicës, në të cilën nuk ka pasur fitues dhe as gol të shënuar.
Ndeshja e mbetur e javës së 8-të të IPKO Superligës së Kosovës në futboll është mbyllur me rezultatin më të papopullarizuar (0:0), madje ka qenë tepër e varfër edhe për nga rastet e shënimit.
Duke përjashtuar minutën e 67-të kur Gauthier Mankenda i Prishtinës qëlloi shtyllën, pjesa tjetër e ndeshjes nuk ka qenë aspak interesante.
Vendësit e patën më tepër topin në pronësi, loja më shumë u zhvillua në pjesën që i takonte Drenicës, por në fund rrjetat mbetën të paprekura.
Pas këtij barazimi, Prishtina mbetet në pozitën e 6-të, tani me 14 pikë, 6 më pak se Ballkani që e kryeson renditjen.
Ndërsa, Drenica renditet në pozitën e 8-të me 10 pikë të tubuara.