Luis Figo dhe gruaja e tij, Helene Svendin, ishin mysafirët e Pablo Motos në programin “El Hormiguero”. Ish-lojtari i Barcelonës dhe Real Madridit në La Liga, si dhe modelja suedeze, nuk ngurruan të komentojnë me drejtuesin e emisionit frazën e famshme të Ronaldos.
“Fenomeni” e justifikoi kështu kolegun portugez të asaj kohe, që pëlqente jetën e natës, para presidentit Florentino Pérez: “Po të kisha gruan që ka Figo, unë gjithmonë do të qëndroja në shtëpi”.
46-vjeçari luzitan ndalet në këtë moment pikant. “Unë e dija atë shprehje të Ronaldos, sepse e kisha komentuar me të në dhomën e zhveshjes. Sidoqoftë, e fal “Roni”, sepse ai gjithmonë tallej. Ajo që ai nuk dinte është se largohesha nga shtëpia, kur gruaja ime ishte në gjumë”, - tha me shaka e të qeshur Luis Figo.
Hoy han venido a divertirse a El Hormiguero ¡@LuisFigo y #HeleneSvendin! #FigoSvedinEH pic.twitter.com/Eady1F51um
— El Hormiguero (@El_Hormiguero) October 16, 2019
Ish-futbollisti i njohur nuk ngurroi ta përkufizonte gruan e tij si "elegante, të ndjeshme, të bukur, nënë e shkëlqyer dhe më e rëndësishmja, një person shumë i mirë". Nga ana e saj, Helene Svendin e përkufizoi Figon si "një person, që ka e bërë të ndjehet sikur kanë lindur për njëri-tjetrin”.
