Ka përfunduar me barazim dueli i vetëm i Primera Divisionit Spanjoll, Real Madrid – Betis.
Galaktikët s’e shfrytëzuan fare mundësinë e kalimit në vendin e parë, pas humbjes së Barcelonas nga Levante.
Kështu, skuadra mbretërore barazon numrin e pikëve të arkëtuara, po aq sa katalunasit, por për shkak të golaverazhit qëndrojnë në pozitën e dytë.
Ndërkaq, trajneri i “Los Blancos”, Zinedine Zidane ka folur rreth këtij barazimi, duke u shprehur i kënaqur me lojën, por jo edhe me konkretizimin.
“Luajtëm mirë. Ajo është pjesa më e rëndësishme. Mënyra sesi jemi angazhuar, tregoi shumëçka. Intensiteti i lojës ishte perfekt, na mungoi vetëm konkretizimi brenda zonës, për të cilën gjë do të punojmë edhe më shumë”, përfundoi ai.
