Milani pësoi një humbje të hidhur mbrëmjen e kaluar ndaj Lazios me shifrat 1-2, me kuqezinjtë që vijojnë të zhgënjejnë këtë sezon. Të vetmit lojtarë që shpëtuan nga kritikat një natë më parë kanë qenë Theo Hernandez, Bennacer si dhe Rade Krunic.
Pikërisht ky i fundit ishte përfolur për një largim në janar, pasi hapësirat nuk kanë qenë të shumta për të. Gjithsesi, duket se ka mjaftuar vetëm një ndeshje për të ndërruar mendjen e boshnjakut.
Sipas asaj që raporton “Calcio mercato”, Krunic ndjen se ka besim nga trajneri Pioli dhe se nuk do të lëvizë në janar nga “San Siro”. Javën e kaluar, agjenti i mesfushorit nga Bosnja, kishte deklaruar për mediat boshnjake, se vetë Krunic i kishte kërkuar që në janar të huazohej, por tashmë duket se çdo gjë ka ndryshuar.