Skuadra nga Superliga e Kosovës, Llapi, është mposhtur në një miqësore me skuadrën nga Shqipëria, Egnatia.
Egnatia ka mposhtur Llapin me rezultatin 2:0, duke vendosur fatin e takimit qysh në pjesën e parë.
Llapjanët lanë rëndësinë e rezultatit në plan të dytë, dhe në këtë ndeshje testuan të gjithë lojtarët e ftuar.
Në këtë ndeshje për Llapin nuk u paraqitën vetëm Florian Daci dhe Benjamin Emini, të cilët vuajtën nga disa dëmtime të lehta.
Llapi po kryen të gjitha përgatitjet për të vazhduar sa më mirë pjesën e mbetur të sezonit në Superligën e Kosovës.
