Skuadra e Gjilanit ka realizuar edhe fitoren e dytë në kuadër të fazës përgaditore që po e zhvillon në Turqi.
Ditën e sotme skuadra nga Kosova, i shkaktoj humbje ekipit Rus të Yenisey Krasonyarsk me rezultatin 1:0.
Djemloshat e Gentian Mezanit e siguruan fitoren qysh në pjesën e parë të takimit, me golin e të sapo transferuarit në skuadrën kuq e bardh Darko Nikac, gol i cili doli të jetë edhe i fitores.
Takimi i sotëm i zhvilluar në "Emirhan Football Center" në Antalia të Turqisë, dhuroi lojë të mrekullueshme nga skuadra e Gjilanit, të cilët përpos qarkullimit dhe kontrollimit të ndeshjes, patën edhe disa mundësi ideale që nga kjo ndeshje të dalin fitimtar edhe me rezultat më të thellë.