Fenerbahce e ka ulur çmimin e Vedat Muriqit.
Vedat Muriqi mund të largohet nga Fenerbahce për 15 milionë euro.
Mediet në Turqi raportojnë se Fenerbache do të konsideronte shitjen e sulmuesit nga Kosova edhe për 15 milionë euro, shkaku i krizës së shkaktuar nga koronavirusi.
Çmimet e lojtarëve gjithandej nëpër Evropë kanë pësuar rënie pas ndërprerjes së futbollit.
Po ashtu, edhe klubet nuk qëndrojnë mirë në aspektin financiar, duke pësuar humbje të mëdha.
Me këtë situatë, Fenerbahce e sheh të domosdoshme shitjen prej 15 milionë euro të yllit nga Kosova, që po kërkohet nga Lazio dhe Tottenham.
