Ish-futbollisti i Laçit David Domgjoni mund të luajë për përfaqësuesen e Kosovës.
Lajmin e jep media turke “Fanatik”, e cila shkruan se zyrtarët e Futbollit të Kosovës po ndjekin paraqitjet e mbrojtësit 23-vjeçar të Menemensporit dhe shumë shpejt mund t’i japin ftesën për të luajtur me “Dardanët”.
Në Turqi, Domgjonin e krahasojnë nga ana fizike me mbrojtësin e Juventusit dhe kombëtares turke Merih Demiral, ndërsa raportohet se për të po interesohen disa klube nga superliga e futbollit turk.
Faksimile e artikullit të “Fanatik” për David Domgjonin
Domgjoni iu bashkua Menemensporit në fund të janarit të këtij viti dhe ka lënë përshtypje pozitive te specialistët e futbollit vendas. Ai luan bashkë me ish-kapitenin e Laçit Gentian Selmanin.