RB Leipzig ia ka dalë të kualifikohet në çerekfinalet e Champions League dhe sonte prej orës 21:00 do të përballet me Atletico Madridin.
Trajneri i skuadrës gjermane, sikurse ndodh zakonisht, ka dalë në konferencën për shtyp dhe i është përgjigjur pyetjeve të gazetarëve.
Julian Nagelsmann, i ngacmuar në lidhje me formacionin që do të zbresë në fushë nga minuta e parë, ka menduar të lëshojë një batutë dhe të mos zbulojë gjë në lidhje me rreshtimin e skuadrës së tij.
“Kush ha 3 feta me Nutella para ndeshjes, do të ulet në stol”, është përgjigjur Nagelsmann, duke tërhequr vëmendjen dhe duke e bërë virale deklaratën tij.
