Futbollistët kanë kryer obligimin e tyre në vitet e 90-ta. Nuk menduan as dy herë dhe iu bashkuan rrugës së pavarësimit të futbollit të Kosovës nga ai ish jugosllav dhe serb.
Florim Humolli i takon Gjeneratës së Republikës. Ai ka qenë ndër futbollistët më të mirë në vitet e 90-ta.
Humolli me shokë e tij, kush më shumë e kush me pak, kanë dhënë kontribut për të mbajtur gjallë futbollin.
Humolli ka qenë i vendosur si mijëra sportistë të tjerë, të vdekur po e të dorëzuar kurrë para okupatorit serb.
Nuk u tremb asnjëherë as nga shantazhet dhe as nga kërcënimet që i vinin nga milicia e pushtuesit serb.
Ish futbollisti, që pjesën më të mirë të jetës e kaloi në KF Prishtina, sot ndihet i lumtur që futbolli ynë po garon në rrafshin ndërkombëtar.
