Juventusi raportohet se është në bisedime me agjentin Fali Ramadani, duke shpresuar që të arrijë një marrëveshje për yllin e Fiorentinës Federico Chiesa.
“Corriere dello Sport” zbulon se “Bianconerët” mund t’i ofrojnë reprezentuesit italian një kontratë 5-vjeçare, por nuk po pajtohen me çmimin e kërkuar nga drejtuesit e Fiorentinës për kartonin e lojtarit.
“Zonja e Vjetër” shpreson që ta bindë “Violan” ta lejojë largimin e lojtarit në formë huazimi me obligimin e blerjes në verën e vitit të ardhshëm.
Ideja është që operacioni të kushtojë rreth 50 milionë euro për sulmuesin e krahut. Por, është Fiorentina ajo e cila po kërkon së paku 70 milionë euro për shërbimet e lojtarit kryesor të tyre.
