Mundësia që Eric Garcia të kthehet në “Camp Nou” është reale, pasi qendërmbrojtësit të ri i përfundon kontrata në fund të sezonit. Gjithsesi, Manchester City, që zotëron kartonin e spanjollit është ende me shpresë se 19-vjeçari do ta rinovojë kontratën.
Kjo u deklarua nga Pep Guardiola, pas ndeshjes së Ligës së Kampionëve kundër Portos, një duel në të cilin Eric Garcia luajti titullar. Trajneri spanjoll ishte shumë i kënaqur me debutimin e qendërmbrojtësit të ri në garën më lartë kontinentale dhe la të hapur mundësinë që ai të rinovojë me ekipin anglez përkundër interesit të fortë të Barçës.
