Është momenti për të deshifruar Antoine Griezmann, i cili tani është zhdukur nga radari i Barcelonës, pavarësisht investimit stratosferik të bërë nga klubi katalanas vetëm një sezon më parë. Kampioni i botës me Francën u mor si yll i madh, por kurrë nuk pati vazhdimësi të vërtetë të performancës.
Së pari me Valverde, pastaj me Setien dhe më në fund me Koeman, “Le Petit Diable” nuk ka arritur ta gdhendë vendin e tij në formacionin fillestar, aq sa shpesh vihet në qendër të kritikave të ndryshme. Kritikat e fundit vijnë nga Bixente Lizarazu, ish-lojtar i Bayern Munich dhe mbi të gjitha i kombëtares franceze.
Ai tha për “TeleFoot”: “Personalisht mendoj se Griezmann është një finalizues fantastik, por jo te Barcelona. Ky është problemi. Ai zgjodhi katalanasit për të luajtur me Messin, por nuk ka asnjë marrëdhënie midis tij dhe argjentinasit. Antoine nuk mund ta gjejë pozicionin e tij në fushë dhe duket se nuk mund të luajë më futboll.
E tija është një krizë e dukshme. Kanë kaluar 18 muaj tani, por situata nuk ka ndryshuar. Mbetet një marrëdhënie kritike. Unë mendoj se nuk duhet të hezitojë, por të përpiqet të largohet nga Barcelona në rastin më të shpejtë, nëse gjërat vazhdojnë të jenë kështu”.
