Sulmuesi i Kombëtares së Kosovës, Vedat Muriqi këtë verë kaloi te skuadra italiane, Lazio pas formës së mirë në Turqi te Fenerbahce.
Por, Muriqi nuk po mund të ndjekë formën e njëjtë edhe te skuadra nga kryeqyteti italian.
Sipas raportimeve të “Transfermarketweb”, Lazio mund ta huazojë atë qysh në muajin janar.
Muriqi po përballet me një konkurencë të fortë te skuadra e drejtuar nga Simone Inzaghi.
Momentalisht, në krye të sulmit te Lazio është Ciro Immobile dhe Felipe Caicedo. Ky i fundit madje shënoi në ndeshjen e fundit ndaj Juventusit, ku hyri në fushë në vend të Muriqit dhe e arriti “cakun”.
26-vjeçari ka kontratë me Lazion deri në vitin 2025 dhe se ish-sulmuesi i Fenerbahces ka qenë në “shënjestrën” e klubeve si Tottenham Hotspur dhe Manchester United.
