Sulmuesi i Barcelonës, Lionel Messi, nuk do të jetë i përfshirë në skuadër për ndeshjen e ardhshme në Ligën e Kampionëve kundër Dynamo Kiev.
Sipas “bleacherreport.com”, argjentinasi do të mungojë në ndeshjen e ardhshme.
Trajnerit të Barcelonës i shtohet edhe një problem, pas konfirmimit nga uebfaqja e klubit blaugran se mbrojtësit, Gerard Pique dhe Sergio Roberto janë lënduar në lojën me Atletico Madridin, ende nuk dihet koha e mungesës së mbrojtësve.
Vlen të theksohet se nuk dihet arsyeja e mos inkuadrimit të yllit argjentinas në këtë lojë.
