Eduardo Camavinga duket se do largohet nga Rennes, por jo me shifrën gjigante që thuhej në fillim.
Pas një sezoni të mrekullueshëm 2019/20, mesfushori i Rennes, Eduardo Camavinga ishte një nga lojtarët më të kërkuar në futbollin evropian, tani duket se forma e tij ka rënë në këtë sezon dhe Rennes tani ngadalë kanë filluar të pranojnë se ai do të largohet.
Sipas “Marca”, Camavinga ishte i dobishëm në kualifikimin e klubit në Ligën e Kampionëve për këtë sezon, dhe kjo ishte një nga arsyet kryesore që ai nuk u shit në verë.
Klubet nuk ishin në gjendje të krijonin një ofertë financiare mjaft të fortë gjatë një kohe kur COVID-19 goditur ekonominë në futboll, megjithatë Rennes ishin më se të lumtur për të mbajtur talentin e tyre me shpresën se vlera e tij do të rritej.
Por, faktikisht ka ndodhur e kundërta, pasi forma e tij ka pësuar rënie në muajt vijues dhe tani Real Madrid duket se ka pasur të drejtë që ka refuzuar të paguante 70 milionë euro, një shifër që klubi francez e kërkoi në fillim të verës.
Nga 18 ndeshje të Ligue 1 të zhvilluara këtë sezon, ai ka filluar vetëm 10 prej tyre. Ai ende nuk ka gjetur golin dhe ka kontribuar vetëm një asistim, i cili erdhi në të vërtetë në ndeshjen e parë të sezonit.
Siç bëhet e ditur në artikull, lojtari do largohet nga klubi por jo për shifrën e dëshiruar nga Rennes. Klube si: Bayern Munich, Paris Saint-Germain, Juventus dhe Real Madrid të gjithë mbeten tepër të interesuar për lojtarin dhe ata do të inkurajohen nga fakti që kontrata e mesfushorit do të skadojë në qershor 2022, kështu që çmimi i tij do të zbret.
