Sindrit Guri ishte një nga produktet më të mira të Superiores, megjithatë fati ka qenë gjithmonë kundër tij. 27 vjeçari synonte të shpërthente këtë sezon me klubin e tij belg, Ostende, megjithatë nuk ka luajtur më shumë se 26 minuta për më shumë se 6 muaj.
Dhimbjet e tepërta fizike bën që shkodrani t’i nënshtrohet përsëri një operacioni në mënyrë që të rikthehet përsëri në formën optimale.
Pavarësisht mungesës së gjatë me skuadrën, shokët duket se nuk e kanë harruar aspak Gurin. Në ndeshjen Osteende-Standard Liege, e cila përfundoi me shifrat 2-2, shoku i skuadrës Sakala ka bërë një gjest mjaft të veçantë. Golat e shënuar ai ja ka dedikuar Sindritit, duke u shprehur se është si një vëlla për të.
“Ia dedikoj dy golat Guri pasi kishte operacionin në mëngjes (dje).
Shoku i ngushtë dhe një vëlla për mua. Më ndihmon për të më dhënë disa ide, se është sulmues ashtu si unë. Këtë gjest e bëra që t’ia tregoja dashurinë time”, u shpreh Sakala.
