Mike Maignan është njëri nga portierët më të mirë për momentin në pesë ligat më të forta evropiane.
Francezi ka bërë një sezon të madh në Ligue 1 me Lillen, ku skuadra e tij po kryeson kampionatin.
Nga 30 ndeshje të zhvilluara deri më tani në kampionat, Maignan në 16 e ka mbajtur portën e pa prekur, derisa ka pësuar vetëm 19 gola.
Falë paraqitjeve fantastike të tij, portieri është bërë objektiv i disa skuadrave të mëdha evropiane.
Roma dhe Milan e duan atë në Itali, derisa Tottenham Hotspur prej kohësh e kërkon në Ligën Premier.
Edhe skuadra tjetër angleze West Ham United ka shprehur interesim për transferimin e francezit.
Ndërkohë opsioni tjetër është brenda kampionatit francez, ku Paris Saint Germain janë duke shikuar mundësinë për ta rikthyer Maignan në skuadër.
25-vjeçari ka dalë nga akademia e PSG-së, derisa ka kaluar të gjitha grupmoshat para se në vitin 2015 t’i bashkohet Lillet për një milionë euro.
Maignan ka kontratë deri në vitin 2022, derisa Lille po synon që të fitojë 20 milionë euro nga shitja e tij.
