Arsenal është duke provuar të bëjë befasinë që të realizojë transferimin e mbrojtësit të Interit, Achraf Hakimi si zëvendësues i Hector Bellerin.
Bellerin ka humbur pozitën në formacionin e Mikel Artetas dhe spanjolli është i lidhur me largimin, derisa kërkohet nga Barcelona dhe PSG-ja.
Sipas Calciomercato, Arsenal është i gatshëm të negociojë me Interin për shërbimet e marokut.
Vlera e Hakimit është 50 milionë euro, por nuk dihet nëse “Neurazzurët” janë të hapur për shitjen e tij.
Hakimi ka kontratë me Interin deri në vitin 2025 dhe këtë edicion ka regjistruar gjashtë gola dhe dhuruar pesë asistime në 27 ndeshje.
