Imeri në top formë në Zvicër, shënon dy gola në fundin e ndeshjes

Futboll

Imeri në top formë në Zvicër, shënon dy gola në fundin e ndeshjes

Më: 8 prill 2021 Në ora: 11:35
Imeri në top formë në Zvicër, shënon dy gola në fundin e ndeshjes

Kastriot Imeri ka vazhduar me paraqitje fantastike për Servetten këtë edicion.

Mesfushori nga Kosova është treguar vendimtar për skuadrën e tij në kuadër të Kupës së Zvicrës.

Servette ka marrë një fitore të vuajtur në udhëtim te Vevey me rezultat 2-4, por deri në fund të ndeshjes rezultati ishte i barabartë.

Imeri u inkuadrua në ndeshje në minutën e 82-të sa ishte rezultat i barabartë 2-2 dhe kontribuoi me dy gola të shënuar.

Vetëm tre minuta pasi u inkuadrua në lojë, Imeri realizoi nga penalltia për t’i dhënë epërsinë skuadrës së tij 2-3.

Ndërkohë në minutën e 92-të, Servette fitoi një tjetër penallti dhe përsëri Kastriot Imeri shënoi për t’ia siguruar fitoren skuadrës së tij.

Pas këtij triumfi, Servette ka kaluar në çerekfinale të Kupës së Zvicrës.

Shfaq komentet
comments powered by Disqus
Sot mund të lexoni Shfletoni kopertinat