Përfundojnë pjesët e para të ndeshjeve të Superligës, ja rezultatet

Futboll

Përfundojnë pjesët e para të ndeshjeve të Superligës, ja rezultatet

Më: 11 prill 2021 Në ora: 15:51
Pamje nga ndeshja

Kanë përfunduar pjesët e para të dy ndeshjeve që janë duke u luajtur në kuadër të Superligës së Kosovës.

Në Podujevë, Llapi dhe Drita kanë dhuruar spektakël në 45 minutat e parë, pasi janë realizuar gjithsej 4 gola.

Llapi kaloi në epërsi pas vetëm dy minutave lojë me Ahmed Januzin, por Drita reagoi menjëherë me Xhevdet Shabanin.

Në minutën e 30’të, Festim Alidema shënoi nga distanca, por menjëherë Llapi barazoi me Edon Sadriun.

Në takimin që po zhvillohet në “Bajram Aliu”, as Prishtina e as Drenica nuk kanë shënuar deri më tani.

Prishtina kishte dominimin dhe dy raste me Endrit Krasniqin.

Fillimisht 10’shi i Prishtinës goditi nga distanca, por goditjen e tij e priti Ymeri. Ndërsa, në minutën e 41’të, Endrit Krasniqi goditi shtyllën me kokë.

Shfaq komentet
comments powered by Disqus
Sot mund të lexoni Shfletoni kopertinat